Leiktímabilið í NBA deildinni hefst í nótt. Meistarar San Antonio Spurs mæta Portland Trailblazers í opnunarleik deildarinnar.

Í nótt verða svo tveir aðrir leikir, Houston Rockets mæta Los Angeles Lakers og Utah Jazz mæta Golden State Warriors. Leikur Utah og Golden State verður sýndur beint á NBA TV.

Það hefur frekar mikið gengið á hjá liðunum í NBA í sumar. Töluvert hefur verið um leikmannaskipti og nýliðavalið var það umtalaðasta í mörg ár.

Stærstu skipti sumarsins gerði gamla stórveldið Boston Celtics þegar þeir skiptu á 5 leikmönnum og 2 valréttum fyrir Kevin Garnett. Boston náði einnig að fá Ray Allen fyrr í sumar og það er því mikil spenna í Boston um þessar mundir.

Hægt er að lesa umfjöllun sérfræðinga ESPN um hvert lið í NBA deildinni hér.

Leikjaplan NBA deildarinnar.