Í kvöld hefst fjórða umferð Iceland Express deildar karla með fjórum leikjum.

Topplið deildarinnar mætast í Njarðvík þegar heimamenn taka á móti Keflvíkingum í sannkölluðum Suðurnesjaslag.

Snæfell mun reyna að landa sínum fyrsta sigri gegn nýliðum Stjörnunnar í Stykkishólmi.

Á Akureyri taka Þórsarar á móti KR-ingum og í Grafarvoginum mætast Fjölnir og Tindastóll.

Allir leikirnir hefjast klukkan 19:15.

Einn leikur verður í 1. deild karla í dag klukkan 17:00 þegar nýliðar deildarinnar mætast í Sandgerði. Reynir mun taka á móti Þrótti Vogum en bæði liðin eru enn án sigurs í 1. deildinni.