Í kvöld voru margir skemmtilegir leikir í Iceland Express og 1. deild karla.

Njarðvík komst upp að hlið Keflavíkur á toppi Iceland Express deildarinnar þegar liðið sigraði ÍR á heimavelli 83-68. Hörður Axel Vilhjálmsson átti góðan leik fyrir heimamenn en hann skoraði 26 stig á aðeins 21 mínútu.

Á Sauðárkróki fagnaði Tindastóll 100 ára afmæli félagsins með góðum sigri á Skallagrím 102-90. UMFT heldur á morgun 100 ára afmælishátíð og er þessi sigur kærkomin byrjun á hátíðarhöldunum.

Í 1. deild karla voru 3 leikir. Breiðablik sigraði Þór Þorlákshöfn á útivelli 70-80. Haukar unnu sigur á Hetti 79-75. Marel Örn Guðlaugsson átti góðan leik fyrir heimamenn en hann skoraði 28 stig og tók 10 fráköst í leiknum.

FSu gerði góða ferð á Ísafjörð og sigraði heimamenn í KFÍ 87-94.