Nú er leikjum kvöldsins í Iceland Express deild karla lokið.

Keflvíkingar unnu Þór Akureyri á heimavelli sínum 99-85. Með sigrinum náðu þeir toppsæti deildarinnar en þeir hafa unnið alla 3 leiki sína í deildinni í vetur.

Grindavík náði í góðan útisigur gegn nýliðum Stjörnunnar. Lokatölur leiksins voru 86-92.

Í Hveragerði náði Hamar í fyrsta sigur tímabilsins þegar þeir sigruðu Fjölni 73-62.

Í DHL-Höllinni sigruðu KR-ingar Snæfell 85-73. Snæfell er þar með eina liðið í deildinni sem hefur ekki unnið leik en þeir hafa mætt erfiðum andstæðingum í byrjun móts.

Á morgun lýkur svo þriðju umferðinni þegar Tindastóll og Skallagrímur mætast annars vegar og Njarðvík og ÍR hins vegar.