Um helgina hófst keppni í 1. deild kvenna. 4 leikir voru á dagskránni og fór mótið vel af stað.

KR ákvað að skrá b-lið til keppni nú á haustdögum og því eru 9 lið skráð til leiks í 1. deild kvenna. Leikjaniðurröðun er þó ekki orðin endanleg vegna breytinga sem þurfti að gera út af fjölguninni.

Á föstudaginn voru leiknir 2 leikir í deildinni. Njarðvík, sem skráði lið til leiks í meistaraflokki kvenna eftir stutt hlé, sigraði lið KR-b 67-66 í Njarðvík. Í Borgarnesi sigruðu Haukar-b lið Skallagríms.

Breiðablik fór til Akureyrar á laugardaginn og sigraði Þór 52-60. Umfjöllun á karfan.is.

Í gær mættust svo Ármann og Snæfell í Laugardalshöllinni. Þar höfðu gestirnir úr Stykkishólmi sigur 46-70. Umfjöllun og myndir úr leiknum má finna á karfan.is.