Iceland Express deild karla hófst í gær með fjórum leikjum. Matthías Imsland, framkvæmdastjóri Iceland Express, opnaði deildina formlega með uppkasti í leik KR og Fjölnis.

Leikir kvöldsins voru skemmtilegir og góð stemning var á þeim. Vel var mætt á alla leikina og það er óhætt að segja að mikil eftirvænting sé fyrir körfuboltatímabilinu.

Úrslit gærdagsins:

KR - Fjölnir 100-78. Umfjöllun á heimasíðu KR.

UMFN - Snæfell 84-71. Umfjöllun á vf.is.

Hamar - Tindastóll 76-81. Umfjöllun á heimasíðu Hamars.

Þór Akureyri - ÍR 87-85. Umfjöllun á heimasíðu Þórs.

Við biðjumst velvirðingar á því að í leikvarpinu koma ekki fram nöfn leikmanna vegna bilunar. Það er verið að vinna í því að laga þetta. Hægt er að lesa góða umfjöllun um leiki liðanna á heimasíðum félaganna og á karfan.is.

Í kvöld lýkur fyrstu umferðinni þegar nýliðar Stjörnunnar taka á móti Skallagrím og Keflavíkingar fá nágranna sína úr Grindavík í heimsókn. Báðir leikirnir hefjast klukkan 19:15.