Eins og undanfarin ár mun körfuknattleiksdeild Fjölnis, í samvinnu við Hópbíla ehf., standa fyrir stórmóti fyrir yngstu iðkendur körfubolta þ.e.a.s. fyrir drengi fædda 1996 og síðar og stúlkur fæddar 1996 og síðar. Mótið verður haldið í Grafarvogi 10. og 11. nóvember næstkomandi.

Þátttökugjald er kr. 10.000 kr. á hvert félag og 3.500 kr. á hvern leikmann. Innifalið í þessu verði er gisting í Rimaskóla, ásamt kvöldverði, morgunverði og pizzuveislu. Einnig verður boðið uppá bíóferð, sund og kvöldvöku.

Ekki verður keppt um sæti heldur verður leikgleðin látin ráða ríkjum og fá allir keppendur verðlaunapening að móti loknu.

Þátttaka tilkynnist til Halldórs í síma 892-2478 eða í tölvupósti fyrir 30. október n.k.

Vonumst til að sjá sem flesta á þessu skemmtilega móti.