Það urðu óvænt úrslit á Evrópumóti kvenna í gær þegar Hvíta Rússland sló út Evrópumeistarana frá Tékklandi.

Það voru ekki margir sem spáðu Hvíta Rússlandi sigri í leiknum gegn stórveldi Tékka. Tékkar unnu sigur í E-riðli en Hvíta Rússland var í fjórða sæti F-riðils eftir keppni í milliriðlum.

Hvíta Rússland lék kom þó á óvart með frábærum leik gegn Tékkum. Leikurinn var jafn og spennandi en Hvíta Rússland var þó sterkari aðilinn í síðari hálfleik og náði að sigra 46-52.

Lettar tryggðu sér einnig sæti í 4-liða úrslitunum þegar þær sigruðu Frakka 66-62. Lettland náði góðri forystu í fjórða leikhluta og leiddi 59-46 þegar rúmlega fjórar mínútur voru eftir af leiknum. Frakkland kom þá með mikið áhlaup og náði að minnka muninn í 2 stig þegar 14 sekúndur voru eftir af leiknum. Tékkar náðu þó að nýta vítin sín í lokin og tryggðu sér sigur.

Í dag lýkur 8-liða úrslitunum með tveimur leikjum. Litháen mætir Rússlandi og Spánn mætir Belgíu.