Nú er formannafundi KKÍ nýlokið en fundurinn var haldinn í morgun í húsakynnum Íþróttasambands Íslands í Laugardal.

Á fundinum voru ýmis málefni rædd fyrir komandi körfuboltatímabil enda í mörg horn að líta.

Sigríður Helga Stefánsdóttir, fulltrúi Iceland Express, kom á fundinn og kynnti fyrir formönnum félaga ýmsa hluti sem stefnt er á að vinna í samstarfi við félögin á komandi tímabili.

Einnig kom Sverrir Karlsson og kynnti LED auglýsingaskjái sem hugsaðir eru fyrir beinar útsendingar á íþróttaviðburðum.

Góð stemning var á fundinum og menn sammála um að halda áfram að auka framgang körfuboltans á Íslandi.