Lið Bandaríkjanna sigraði lið Ástralíu í úrslitaleik heimsmeistaramóts U-21 kvenna sem fór fram í Moskvu á sunnudaginn.

Lokatölur leiksins urðu 96-73 fyrir Bandaríkin. Þær byrjuðu leikinn mjög vel og virtust ætla að vinna auðveldan sigur í leiknum. Staðan var 75-56 eftir þriðja leikhluta eftir að Dewanna Bonner skoraði úr sniðskoti.

Lið Ástralíu, sem að tapaði fyrir Bandaríkjunum með aðeins tveimur stigum í riðlakeppninni, náði þó að byrja fjórða leikhlutann af miklum krafti. Þær skoruðu 11 stig í röð og minnkuðu muninn í 8 stig þegar rúmlega sex mínútur voru eftir af leiknum.

Bandaríska liðið náði að herða vörnina eftir þetta og það dugði þeim til sigurs í leiknum. Crystal Langhorne átti frábæran leik fyrir Bandaríkin en hún skoraði 23 stig og tók 14 fráköst. Stigaskorið dreifðist vel hjá Bandaríska liðinu en þrjár aðrar stúlkur skoruðu 14 stig.

Jenna O´Hea var best af Áströlunum með 23 stig og 8 fráköst.

Frakkar tryggðu sér bronsverðlaunin þegar þær unnu Rússa 67-61.