Keflavík fékk Landsmótsbikarinn í körfubolta á 25. Landsmóti UMFÍ sem lauk í Kópavogi í dag. Keflavík vann ekki gull á mótinu en átti lið í úrslitaleikjum hjá bæði körlum og konum. Keflavík fékk samtals 180 stig eða 20 fleiri en lið ÍBR sem kom næst en bæði lið Íþróttabandalags Reykjavíkur enduðu í þriðja sæti. Landsmótsmeistarar Fjölnis (karla) og ÍBH (kvenna) enduðu hinsvegar í 3. og 4. sæti.

Það má finna öll yfirlit yfir Landsmótið og stigaskor leikmanna í öllum leikjunum hér á KKÍ.is. Úrslitin og lokaröð liða má finna hér en stigaskor leikmanna er hér en þar er mótinu raðað upp eftir leikdögum.

Lokastigatafla körfuboltakeppni Landsmótsins:
1. Keflavík 180 stig (90 hjá körlum - 90 hjá konum)
2. ÍBR 160 (80 hjá körlum - 80 hjá konum)
3. UMF Fjölnir 150 (100 hjá körlum - 50 hjá konum)
4. ÍBH 110 (10 hjá körlum - 100 hjá konum)
4. HSK 110 (40 hjá körlum - 70 hjá konum)
6. UMSB 90 (30 hjá körlum - 60 hjá konum)
7. UMSK 80 (40 hjá körlum - 40 hjá konum)
8. IBA 70 (70 hjá körlum)
9. UMFG 60 (60 hjá körlum)
10. HSH 20 (20 hjá körlum)