© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
     
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
24.11.2015 | 18:00 | Kristinn | Landslið
Sterkasta landsliðið sem hefur mætt íslensku stelpunum hér á landi
Íslenska kvennalandsliðið í körfubolta tekur á móti Slóvakíu í öðrum leik sínum í undankeppni EM 2017 en leikurinn fer fram í Laugardalshöllinni klukkan 19.30 annað kvöld.

Slóvakía er án vafa sterkasta kvennalandsliðið sem hefur heimsótt Ísland til þessa en slóvakísku stelpurnar hafa verið fastagestir á Eurobasket undanfarin ár.

Slóvakíska liðið endaði í 9. sæti í úrslitakeppni Evrópumótsins síðasta sumar og hefur alls tekið þátt í tíu lokakeppnum Evrópumótsins síðan að Tékkóslóvakía skiptist upp í Tékkland og Slóvakíu árið 1993.

Slóvakískur stelpurnar unnu 2 af 4 leikjum sínum í riðlunum á EM 2015 og urðu í 2. sæti á eftir Spáni. Liðið vann hinsvegar bara 1 af 3 leikjum í millriðlinum og sat eftir á tveggja stiga tapi á móti verðandi Evrópumeisturum Serbíu. Serbía var með jafnmörg stig og Slóvakía en hafði betri stöðu úr innbyrðisleiknum.

Evrópumótið í Ungverjalandi og Rúmeníu síðasta sumar var fjórða úrslitakeppni EM í röð þar sem Slóvakía var meðal þátttökuþjóða. Slóvakía endaði í 12. sæti á EM 2013, í 13. til 16. sæti á EM 2011 og í 8. sæti á EM 2009.

Besta árangrinum náði slóvakía kvennalandsliðið samt á fyrstu fjórum Evrópukeppnum síðan að Slóvakía öðlaðist sjálfstæði en Slóvakía komst í undanúrslitin í fjórum keppnum í röð frá EM 1993 til EM 1999.

Slóvakía vann bronsverðlaun á fyrsta Evrópumóti sínu sem fór fram á Ítalíu 1993 en slóvakíska liðið vann þá heimastúlkur með einu stigi í leiknum um bronsið.

Stærstu verðlaun Slóvakíu á EM komu á Evrópumótinu í Ungverjalandi árið 1997. Slóvakíska liðið fór alla leið í úrslitaleikinn þar sem liðið tapaði á móti Litháen. Slóvakía vann Ungverjaland með 26 stigum í undanúrslitaleiknum, 81-55.

Slóvakía er aðeins þriðja Eurobasket-þjóðin sem spilar keppnisleik á Íslandi en hinar eru Holland og Sviss. Þarna er átt við kvennalandslið sem hefur tekið þátt í lokakeppni EM þegar liðið mætir til Íslands og spilar hér leik í móti.

Holland spilaði hér bæði 2007 og 2009 en þá var hollenska landsliðið ekki búið að komast í úrslitakeppni EM síðan 1989. Sviss spilaði hér árið 2008 en þá hafi svissneska landsliðið ekki komist í lokakeppni EM í 52 ár eða síðan á EM 1956.

Landslið Svartfjallalands spilaði hér á landi haustið 2009 en þá höfðu Svartfellingar aldrei komist á Eurobasket. Svartfjalland komst í fyrsta sinn á EM 2011 og hefur síðan verið fastagestur í lokakeppninni og alltaf meðal tíu efstu þjóða.

Kvennlandslið Slóvakíu í úrslitakeppni EM:
1993 - 3. sæti
1995 - 4. sæti
1997 - 2. sæti
1999 - 4. sæti
2001 - 8. sæti
2003 - 7. sæti
2005 - Ekki með
2007 - Ekki með
2009 - 8. sæti
2011 - 13.-16. sæti
2013 - 12. sæti
2015 - 9. sæti
Mótayfirlit
Mótayfirlit allra flokka
Björgvin Rúnarsson kastar boltanum til að hefja leik Hauka og Njarðvíkinga þann 26. janúar 2006.  Það eru Egill Jónasson, UMFN, og Morten Szmiedowicz, Haukum, sem bítast um boltann.
DómarahorniðLeiðararTölfræðiSaganViðtalið