KKÍ mun standa fyrir æfingabúðum fyrir úrvalshópa KKÍ eins og gert hefur verið síðastliðin sumur með mjög góðum árangri. Úrvalshóparnir eru undanfari yngri landsliða Íslands þar sem unglingalandsliðsþjálfarar stýra búðunum og fara yfir ákveðin tækniatriði.

Í sumar stendur KKÍ fyrir æfingabúðum fyrir drengi sem fæddir eru ´94, ´95, og ´96 og stúlkur fæddar ´94, ´95 og ´96.
Sú nýbreytni verður í sumar að drengir og stúlkur munu æfa í sitt hvoru íþróttahúsinu.

Fyrri æfingabúðirnar verða haldnar helgina 9. – 10. júní en seinni búðirnar verða haldnar 25.-26. ágúst. Stúlkurnar munu æfa að Ásvöllum í Hafnarfirði 9.-10 júní og í Smáranum í Kópavogi 25.-26. ágúst. Drengirnir munu æfa í íþróttahúsi Seljaskóla í Breiðholti báðar helgarnar.

Dagskrá fyrri helgarinnar er eftirfarandi fyrir báða dagana:

Börn fædd 1994 09.00 – 11.00
Börn fædd 1995 11.30 – 13.30
Börn fædd 1996 14.30 – 16.30

Mikilvægt er að allir staðfesti komu sína með því að senda póst á oddur@kki.is eða í síma 514-4100 á skrifstofu KKÍ.

Verð fyrir hvern þátttakanda í úrvalsbúðirnar er kr. 2.000,- fyrir fyrri búðirnar og 2000 fyrir seinni búðirnar.

Umsjónarmenn búðanna verða þjálfarar yngri landsliða KKÍ. Yngvi Gunnlaugsson og Ágúst Björgvinsson munu hafa umsjón með æfingabúðunum hjá stúlkunum og Benedikt Guðmundsson mun sjá um æfingabúðir drengjanna. Einnig munu margir færir þjálfarar verða til aðstoðar þeim þessar helgar.