Kostas Tsartsaris, leikmaður Panathinaikos, lék með Grindavík fyrir 9 árum síðan. Hann hefur náð langt síðan þá og hefur leikið í sterkustu deildum Evrópu við góðan orðstír.

Kostas lék einnig með Gríska landsliðinu sem að tryggði sér silfur á heimsmeistaramótinu í Japan síðastliðið haust.

Hann segir í viðtali á heimasíðu Evrópudeildarinnar að Panathinaikos séu spenntir fyrir helginni og ætli sér stóra hluti. Kostas er spurður um dvöl sína á Íslandi og segir hann að þar hafi hann lært mikið. Hann stefnir á að heimsækja Ísland aftur í framtíðinni.

Tölfræði Tsartsaris í efstu deild karla á Íslandi.