Föstudaginn 4. maí kl. 18:00 verður 47. ársþing KKÍ sett á Flúðum. Að þessu sinni verður þingið sett á föstudegi og mun ljúka störfum seinnipart laugardags. Svo hægt sé að standa sem best að undirbúningi fyrir þingið er mikilvægt að félögin sendi nafnalista þingfulltrúa ekki seinna en kl. 17:00 miðvikudaginn 2.maí. Ef ekki er þegar ákveðið hverjir muni sækja þing fyrir hvert félag væri gott að fá að vita um fjölda þingfulltrúa.

Þegar hafa verið send út kjörbréf og þær tillögur sem liggja fyrir þinginu. Kjörbréfum þarf að koma til kjörbréfanefndar við upphaf þinghalds. Við hvetjum alla til að kynna sér rækilega þær tillögur sem liggja fyrir.

Samkvæmt upplýsingum frá hótelinu á Flúðum er allt að verða uppbókað þannig að við hvetjum þá sem eiga eftir að panta herbergi að gera það hið fyrsta.

Hátíðarkvöldverður verður á laugardagskvöldinu og er mikilvægt að vita sem allra fyrst hversu margir þingfulltrúar verða í mat svo hægt sé að láta stjórnendur hótelsins vita.

Eins og kom fram í bréfi dagssett 4.apríl mun umjón með þinginu verða í höndum Ungmennafélags Hrunamanna. Hér fyrir neðan eru upplýsingar sem komu einnig fram í því bréfi um þinggjald og gistingu á Hótel Flúðum, við hvetjum ykkur til að bóka gistingu sem fyrst.

Þinggjald 9750 kr. og innifalið í því er:
Hádegisverður á laugardeginum
Kaffi allan tímann
Kaffimeðlæti
Þriggjarétta Hátíðarkvöldverður

Gisting á Hótel Flúðum – s. 486 6630, netfang: fludir@icehotels.is , kr. 5.400.- per mann, per nótt, miðað við tvo í herbergi. Kr. 8.600.- per nótt, miðað við einn í herbergi, morgunverðarhlaðborð er innifalinn í verðinu.


Með körfuboltakveðju,
Hannes S. Jónsson Snorri Örn Arnaldsson
Formaður KKÍ Ritari KKÍ



Föstudagur 4. maí
1. Þingsetning. kl.18:00
2. Kosning starfsmanna:
1. Kosning kjörbréfanefndar.
2. Kosning fyrsta og annars þingforseta.
3. Kosning fyrsta og annars þingritara.
3. Kosning fastra nefnda:
1. Fjárhagsnefnd
2. Laga- og leikreglnanefnd.
3. Allsherjarnefnd.
Nefndir þessar eru skipaðar þremur mönnum hver og kjósa þær
sér formann.
4. Fráfarandi stjórn gefur skýrslu.
5. Gjaldkeri leggur fram endurskoðaða reikninga sambandsins
til samþykktar.
6. Stjórnin leggur fram fjárhagsáætlanir fyrir næsta ár.
7. Lagðar fram laga- og leikreglnabreytingar þær, sem borist
hafa til stjórnarinnar.
8. Teknar til umræðu aðrar tillögur og önnur mál, sem borist
hafa til stjórnarinnar.

Laugardagur 5. maí kl.10:00
9. Nefndarálit og tillögur og atkvæðagreiðslur um þær.
10. Önnur mál.
11. Kosning þriggja meðstjórnenda til tveggja ára og þriggja
manna varastjórn til eins árs.
12. Kosning fimm manna í dómstól KKÍ til þriggja ára.
13. Kosning tveggja manna í aganefnd og tveggja til vara
14. Kosning þriggja aðila í félagaskiptanefnd og þriggja til
vara.
15. Kosning tveggja endurskoðenda.
16. Þingfundargerðir lesnar og staðfestar.
17. Þingslit.