Fjarnám KKÍ 1.b þjálfaramenntunar Körfuknattleikssambands Íslands mun hefjast mánudaginn 19. október nk. Námið stendur yfir í tvær vikur.

Opið er fyrir skráningu til og með föstudagsins 16. október.

Námið er allt í fjarnámi og unnið í tölvu og með tölvupóstum. Fjarnámið er hluti af nýju menntakerfi KKÍ. Síðustu misseri hefur KKÍ lagt nokkra vinnu í að bæta þjálfaramenntun við góðar undirtektir innan hreyfingarinnar.

Þjálfaramenntun KKÍ veitir réttindi til körfuknattleiksþjálfunar og jafnframt rétt til áframhaldandi náms sem veitir frekari réttindi.

KKÍ þjálfari 1.b
Námskeiðið er 20 kennslustundir sem kennt er í fjarnámi milli þjálfara 1.a og 1.c. Í þessum hluta er farið ítarlega yfir leikreglur, mótafyrirkomulag KKÍ, sögu körfuknattleiks og unnið verkefni í tímaseðlagerð. KKÍ þjálfari 1.b gildir sem 35% af lokaeinkunn KKÍ þjálfara 1.

Leikreglur
Farið er yfir leikreglur með fyrirlestri af netinu. Þjálfarar þurfa að standast bóklegt reglupróf sem gildir 20% af einkunn í KKÍ þjálfara 1. Ef þjálfarar vilja einnig sækja sér dómararéttindi þarf að bæta við verklegu dómaraprófi og vera með yfir 80% rétt á prófinu.

Mótafyrirkomulag KKÍ
Þjálfarar kynnast mótafyrirkomulagi með fyrirlestri á netinu. Þjálfarar þurfa að standast krossapróf sem gildir 5% af lokaeinkunn KKÍ þjálfara 1.

Saga körfuknattleiks
Þjálfarar fá senda fyrirlestra um sögu körfuknattleiks. Þjálfarar þurfa að standast krossapróf sem gildir 5% af heildareinkunn í KKÍ Þjálfara 1.

Tímaseðill
Þjálfarar gera tímaseðil með FIBA Europe þjálfaraforritinu eða öðru samskonar forriti. Skila þarf inn tímaseðli fyrir 60 mínútna æfingu í minnibolta, á PDF skjali með tölvupósti á agustb@kki.is Verkefnið gildir 5% af lokaeinkunn KKÍ þjálfara 1.
Sjá nánar http://kki.is/thjalfun_stig1.asp

Þátttökugjald á 1.b er kr. 7.500. Öll námskeiðsgögn eru innifalin og send á netfang nemenda.

Skráning er á kki@kki.is og þarf henni að taka fram fullt nafn, félag, kennitölu, netfang og símanúmer.

Rétt til þátttöku á 1.b stigi hafa allir sem lokið hafa grunnskólaprófi.

Allir þeir þjálfarar sem ekki hafa tekið dómarapróf þurfa að taka KKÍ 1.b til að ljúka sérgreinahluta KKÍ.

Þjálfaranámskeið KKÍ 1.c verður haldið 8. til 10. janúar 2016.