Lið Fjölnis tryggði sér í gær sigur í 2. deild kvenna í eftir að hafa sigrað lið Snæfells 86-68 í Rimaskóla.

Með sigrinum tryggði Fjölnir sér efsta sætið í deildinni og sæti í Iceland Express deild kvenna á næsta tímabili. Það hefur verið mikil barátta í 2. deild kvenna á þessu tímabili og þar kepptu mörg efnileg lið.

Fjölnir var í mikilli baráttu við KR í allan vetur um toppsætið en liðin skiptu sigrum á milli sín í innbyrðis viðureignum liðanna. KR var þó með betra stigahlutfall í innbyrðis viðureignunum og því varð Fjölnir að ná fleiri stigum í deildinni en KR til þess að komast upp um deild.

Þegar KR tapaði fyrir Skallagrím í Borgarnesi á föstudaginn opnaðist möguleiki fyrir Fjölnisstúlkur og þær nýttu það vel með því að sigra Snæfell í gær.

Glæsilegur árangur hjá liði Fjölnis. Það verður gaman að fylgjast með þeim í Iceland Express deildinni á næsta tímabili.

Hér má sjá myndbrot úr leiknum í gær sem að heimasíða Fjölnis útbjó.