Þriðji leikur KR og Snæfells fer fram í dag í DHL-Höll KR-inga. Leikurinn hefst klukkan 16:00 og verður í beinni útsendingu á Sýn.

Staðan í einvíginu er jöfn 1-1 en KR vann fyrsta leikinn 82-79 en Snæfell jafnaði metin í Stykkishólmi. Lokatölur þar voru 85-83. Báðir leikirnir hafa verið æsispennandi og úrslitin hafa ekki ráðist fyrr en á lokasekúndunum. Það má því búast við frábærri skemmtun í Vesturbænum í dag.

Á heimasíður KR er að finna slóð á myndbrot úr fyrsta leik liðanna.