Haukar sigruðu ÍS á heimavelli sínum í kvöld og náðu þar með forystu í einvíginu 2-1. Lokatölur leiksins voru 78-61.

Ifeoma Okonkwo skoraði 23 stig og Sigrún Ámundadóttir 22 stig fyrir Hauka. Helena Sverrisdóttir var með þrefalda tvennu með 11 stig 10 fráköst og 10 stoðsendingar.

Hjá ÍS voru Casey Rost og Signý Hermannsdóttir atkvæðamestar. Casey var með 27 stig, 10 fráköst og 5 stoðsendingar og Signý skoraði 20 stig og tók 10 fráköst.