Körfuboltabúðir verða haldnar í íþróttahúsinu Ásgarði í Garðabæ dagana 5. – 9. júní nk.Búðirnar eru samstarfsverkefni Stjörnunnar og Superhoops búðanna í Kanada og koma fjórir kanadískir þjálfarar, sem allir hafa leikið sem atvinnumenn eða með háskólaliðum, að verkefninu ásamt leikmönnum Stjörnunnar. Yfirþjálfari verður Ryan Leier, sem lék með og þjálfaði hjá Stjörnunni og ÍR fyrir nokkrum árum.

Körfuboltabúðirnar verða fyrir tvo aldurshópa alla dagana, bæði stráka og stelpur. Þau sem fædd eru 1990 – ’92 verða frá 9:00 – 13:00 og yngri aldurshópurinn, krakkar fæddir ’93 – ’95, verður frá 14:00 – 17:00. Til að hægt verði að standa við áðurnefnd markmið með búðunum verður fjöldi þátttakenda takmarkaður við 40 í hvorum hóp. Þátttökugjald er kr. 6.500.- og verður veittur 1.500.- króna systkinaafsláttur.

Unglingaráð körfunnar vonast til þess að sjá sem flesta í þessum fyrstu alþjóðlegu körfuboltabúðum sem Stjarnan stendur fyrir. Búðirnar verða kynntar á landsvísu og fer skráning fram með tölvupósti á karfa@stjarnan.is eða í síma 845-7538. Við skráningu þarf að koma fram nafn iðkanda og kennitala. Staðfestingargjald, kr. 2.500, þarf að greiða mánuði áður en búðirnar hefjast.