Georgetown urðu fjórða liðið til að komast í Final Four sem verða í Atlanta næsta laugardag.

Þegar nokkrar mínútur voru eftir virtist fátt benda til annars en að North Carolina myndi fara með sigur af hólmi en leikmenn Georgetown voru á öðru máli. Með mikilli seiglu og dugnaði náðu þeir að jafna á síðustu sekúndum með þriggja stiga körfu og senda leikinn í framlengingu.

Georgetown skoruðu 14 fyrstu stig framlengingar og leikmönnum North Carolina gersamlega fyrirmunað að skora. Tuggan, að þeir gátu ekki keypt sér körfu átti vel við. Lokatölur voru 96:84

Það verða því UCLA og meistararnir frá því í fyrra Florida sem mætast annars vegar og svo Ohio State og Georgetown hins vegar um næstu helgi.