Í gær tryggðu Ohio State og UCLA sér farseðilinn í Final Four sem fara fram næsta laugardag.

Ohio State unnu Memphis 92:76

UCLA unnu Kansas í svakalegum varnarleik þar sem liðin voru samtals með 32 stolna bolta. Kansas spiluðu mjög góðan varnarleik en það dugði ekki til þar sem UCLA léku stórkostlegan varnarleik. 68:55

Í kvöld kemur svo í ljós hvaða lið bætast í hópinn fyrir Final Four næsta laugardag.

Klukkan 18:40 mætast Oregon og Florida sem eru núverandi meistarar.

Klukkan 21:05 mætast svo North Carolina og Georgetown

Það eru margir sem bíða spenntir eftir þessari viðureign þar sem einn frægasti leikur sögunnar var einmitt á milli þessara liða þegar Michael nokkur Jordan skoraði sigurkörfuna í úrslitum háskólaboltans gegn Georgetown árið 1982.

Það skemmtilega við þennan leik núna er að Roy Williams aðalþjálfari North Carolina í dag var aðstoðarþjálfari 1982, John Thompson lll sem er aðalþjálfari Georgetown í dag er sonur John Thompson sem þjálfaði Georgetown 1982. Einn af bestu leikmönnum Georgetown í dag er leikmaður sem heitir Patrick Ewing, það nafn er eitthhvað kunnuglegt þegar minnst er á Georgetown og körfubolta en faðir hans Patrick Ewing lék einmitt með Georgetown þennan fræga úrslitaleik 1982.

Það er kannski ekki skrýtið að fjölmiðlar ytra séu á flugi vegna þessa leiks.