Valur og Stjarnan geta komist í úrslit um sæti í Iceland Express deildinni á næsta ári takist þeim að sigra leiki sína í dag. Valur mætir FSu og Stjarnan tekur á móti Breiðablik.

Klukkan 16:00 mætast Valur og FSu í Kennaraháskólanum. Þetta er annar leikurinn í viðureigninni en Valur sigraði fyrsta leik liðanna á föstudaginn 75-85.

Leikur Stjörnunnar og Breiðabliks hefst klukkan 19:15 í Ásgarði, heimavelli Stjörnunnar. Starnan sigraði fyrsta leikinn á föstudaginn 81-88.

Það má búast við miklum baráttuleikjum í kvöld, enda mikið í húfi fyrir liðin.