Brenton Birmingham í Njarðvík, Jeremiah Sola í KR, Hlynur Bæringsson í Snæfelli og Darrell Flake í Skallagrími voru bestu leikmenn einvíganna fjögurra í átta liða úrslitum Iceland Express deildar karla. Skallagrímsmaðurinn Darrell Flake stóð sig best allra leikmanna í 8 liða úrslitunum en Hlynur Bæringsson í Snæfelli átti hinsvegar besta einstaka leikinn. Hér er framlagsjafna NBA-deildarinnar notuð til þess að meta frammistöðu leikmanna í leikjunum.

Darrell Flake skoraði 26 stig að meðaltali í leikjunum þremur á móti Grindavík, tók 8 fráköst og gaf 4 stosðendingar. Flake nýtti 76% skota sinna utan af velli og setti niður öll 9 vítin sín. Flake klikkaði því aðeins á 11 skotum allt einvígið þar af lukkuðust öll skot nema átta inn í teig.

Hlynur Bæringsson stóð sig best af íslensku leikmönnunum en hann skoraði 19 stig, tók 10 fráköst, gaf 6,5 stoðsendingar og stal 2,4 boltum að meðaltali í sigrunum tveimur á móti Keflavík. Hlynur nýtti 58% skota sinna utan af velli í einvíginu og setti niður 10 af 13 skotum af vítalínunni sem gerir 76,9% vítanýtingu.

Jonathan Griffin í liði Grindavíkur skoraði mest allra í átta liða úrslitunum eða 27,7 stig að meðaltali í leik. Griffin skoraði alls 83 stig í leikjunum þremur eða fimm stigum meira en Flake. Hann endaði í þriðja sæti á listanum yfir hæsta framlagið þar sem hann var með 27,7 framlagsstig að meðaltali í leik.

Tuttugu bestu leikmenn 8 liða úrslitanna 2007:
1. Darrell Flake Skallagrímur 32,3
2. Hlynur Bæringsson Snæfell 29,0
3. Jonathan Griffin Grindavík 27,7
4. Jeremiah Sola KR 25,3
5. Justin Shouse Snæfell 23,0
6. Adam Darboe Grindavík 21
7. Jón Ólafur Jónsson Snæfell 20,5
8. Sverrir Þór Sverrisson Keflavík 20,5
9. Nate Brown ÍR 20,3
10. Páll Kristinsson Grindavík 20,0
11. Brenton Birmingham Njarðvík 20,0
12. George Byrd Hamar/Selfoss 18,5
13. Tyson Patterson KR 18,3
14. Jeb Ivey Njarðvík 18
15. Egill Jónasson Njarðvík 17,5
16. Þorleifur Ólafsson Grindavík 16,7
17. Pálmi Freyr Sigurgeirsso KR 16,7
18. Magni Hafsteinsson Snæfell 16,5
19. Sebastian Hermenier Keflavík 16,5
20. Keith Vassell ÍR 16,0

Besti einstaki leikur leikmanna í 8 liða úrslitunum 2007:
38 - Hlynur Bæringsson, Snæfell gegn Keflavík 17.3.2007 (20 stig, 10 fráköst, 8 stoðsendingar, 64% skotnýting)
34 - Páll Kristinsson, Grindavík gegn Skallagrími 1 leikur 16.3.2007
(23 stig, 12 fráköst, 3 stolnir, 75% skotnýting)
33 - Darrell Flake, Skallagrími gegn Grindavík 1 leikur 16.3.2007
(18 stig, 9 fráköst, 8 stoðsendingar, 89% skotnýting)
33 - Darrell Flake, Skallagrími gegn Grindavík 3 leikur 20.3.2007
(31 stig, 8 fráköst, 65% skotnýting)
32 - Tyson Patterson, KR gegn ÍR 3 leikur 20.3.2007
(17 stig, 14 fráköst, 10 stoðsendingar, 4 stolnir)

Það er hægt að sjá yfirlit yfir bestu frammistöðu leikmanna í hverju einvígi fyrir sig undir greinum eða hér.