Skallagrímur fær UMFG í heimsókn í Borgarnes klukkan 19:15 í kvöld. Þetta er fyrsti leikurinn í viðureigninni og búast má við skemmtilegum og spennandi leik.

Bæði lið eru með mjög öflugar skyttur og hika ekki við að skjóta fyrir utan. VF.is tók viðtal við Friðrik Ragnarsson, þjálfara UMFG fyrir leikinn í kvöld. Það má lesa greinina hér.

Á heimasíðu UMFG má lesa ítarlega umfjöllun um viðureignirnar í fyrstu umferð úrslitakeppninnar.

Bæði Skallagrímur og UMFG eru klár í slaginn fyrir leikinn í kvöld þrátt fyrir að veikindi hafi verið að hrjá menn eitthvað síðustu daga. Borgnesingar ætla að bjóða upp á glæsilega sýningu í kvöld og það verður örugglega gríðarleg stemning í Borgarnesi.