Bikarúrslitum yngriflokka lauk í dag með 4 leikjum. Haukar, Fjölnir og Keflavík urðu bikarmeistarar í dag.

Í 9. flokki kvenna urðu Haukar bikarmeistarar eftir 55-23 sigur á Hamri/Selfoss. Guðbjörg Sverrisdóttir valin kona leiksins en hún skoraði 26 stig, tók 11 fráköst og stal 7 boltum.

Fjölnir A og Fjölnir B mættust í bikarúrslitaleik karla í 10. flokki þar sem A-liðið fór með öruggan 69-41 sigur af hólmi og var Ægir Þór Steinarsson, A liði Fjölnis, valinn maður leiksins en hann var með 23 stig, tók 14 fráköst, gaf 6 stoðsendingar og stal tveimur boltum í leiknum.

Keflavík og Haukar mættust í unglingaflokki kvenna. Haukar höfðu nauman sigur 65-64 eftir æsispennandi leik. Sigrún Ámundadóttir, Haukum, var valin kona leiksins en hún gerði 21 stig í leiknum og tók 12 fráköst.

Í Drengjaflokki vann Keflavík 67-55 sigur á FSu. Þröstur Leó Jóhannsson var valinn maður leiksins en hann skoraði 26 stig, tók 8 fráköst, varði 5 skot, stal 4 boltum og gaf 2 stoðsendingar.

Hægt er að lesa umfjöllun um leikina á karfan.is.