KR sigraði Fjölni 88-64 í bikarúrslitaleik 11. flokks drengja í dag. Haukar sigruðu Keflavík 61-47 í úrslitaleiknum í Stúlknaflokki og Fjölnir sigraði Njarðvík 90-73 í Unglingaflokki karla.

Leikur KR og Fjölnis var spennandi í byrjun, staðan í hálfleik var 42-40 KR í vil. KR-ingar náðu svo að síga framúr í seinni hálfleik með góðum varnarleik.

Maður leiksins var Snorri Páll Sigurðsson með þrefalda tvennu, 20 stig, 15 fráköst og 15 stoðsendingar.

Haukar byrjuðu betur gegn Keflavík og leiddu með 12 stigum í hálfleik. Keflavík náði að minnka muninn í eitt stig í þriðja leikhluta en Haukar juku muninn aftur og náðu að sigra.

Unnur Tara Jónsdóttir var valin maður leiksins en hún skoraði 20 stig, tók 11 fráköst og stal 6 boltum.

Leikur Fjölnis og Njarðvíkur var mjög skemmtilegur. Mikil barátta hjá báðum liðum einkenndi fyrri hálfleikinn. Leikurinn var jafn fram í 4. leikhluta en þá náði Fjölnir góðum spretti tryggði sér sigurinn.

Þorsteinn Sverrisson var valinn maður leiksins. Hann skoraði 24 stig, tók 11 fráköst og sendi fimm stoðsendingar í leiknum.

Nánari umfjöllun um leikina má lesa á karfan.is.