Um helgina verður Samkaupsmótið haldið í Reykjanesbæ. Samkaupsmótið er haldið af körfuknattleiksdeildum Keflavíkur og Njarðvíkur og er hugsað fyrir yngstu iðkendur körfuboltans.

Það er áætlað að keppendur á mótinu í ár verði næstum 1000, en 137 lið eru skráð til leiks þetta árið. Í fyrra voru keppendur um 850 en það var stærsta Samkaupsmótið sem að haldið hefur verið til þessa.

Á þessum mótum er jafnan mikið fjör þar sem að krakkarnir spila ekki aðeins körfubolta heldur er meðal annars boðið uppá bíóferð og sund á milli leikja.

Hægt er að lesa nánar um mótið á heimasíðum Keflavíkur og Njarðvíkur.