Bikarúrslit yngri flokka verða haldin á laugardag og sunnudag í DHL-Höll KR-inga í vesturbænum. Á laugardeginum verða 5 leikir og 4 leikir á sunnudeginum. Þetta er glæsileg körfuboltaveisla þar sem að ungt körfuknattleiksfólk leikur í stærstu leikjum vetrarins.

KR-ingar sjá um að halda mótið annað árið í röð og hafa þeir lagt mikla vinnu í að hafa umgjörðina sem glæsilegasta. Bikarúrslitin í fyrra þóttu takast mjög vel og er stefnt á að gera enn betur í ár.

Á heimasíðu KR er að finna umfjöllun um alla bikarúrslitaleikina í ár. Þar er meðal annars sagt frá leið liðanna í úrslitin og hvar þau standa í Íslandsmótinu.