Í kvöld er einn leikur á dagskrá í Iceland Express deild kvenna. ÍS tekur á móti Hamri í íþróttahúsi Kennaraháskólans klukkan 19:15. Þetta er fyrsti leikur umferðarinnar í Iceland Express deild kvenna en á miðvikudaginn verður Keflavík - UMFG og á fimmtudaginn leika Haukar og Breiðablik.

Leikurinn í kvöld gæti orðið áhugaverður en síðasti leikur ÍS og Hamars var æsispennandi. ÍS náði að knýja fram sigur 56-50 í hörkuleik.

ÍS er í 4. sæti deildarinnar með 12 stig en Hamar vermir botnsætið með 2 stig og er því mjög mikilvægt fyrir þær að ná sér í stig til þess að forðast fall.

Staðan í deildinni.