Jón Arnór var rétt í þessu að ganga frá samningi til ársins 2008 við Lottomatica Roma frá Ítalíu.

Jón Arnór fer til Rómar í fyrramálið en stefnt er að því að hann leiki með sínu nýja félagi í Meistaradeild Evrópu á miðvikudag en þá taka Rómverjar á móti Pau Orthez frá Frakklandi.

Meistaradeild Evrópu er gríðarlega stór og vinsæl um alla Evrópu og víðar í heiminum, enda eru margir af bestu leikmönnum heims að leika með liðum þar.

Þjálfari og forráðamenn Lottomatica Roma lögðu á það mikla áherslu að ná í Jón þar sem þeir þekkja vel til hans en hann varð m.a. bikarmeistari með Napoli á síðustu leiktíð á Ítalíu. Hjá Roma hittir hann fyrir marga snjalla leikmenn eins og til að mynda Dejan Bodiroga sem hefur verið talinn besti leikmaður Evrópu til margra ára, margfaldur meistari með félagsliðum og Júgóslavíu og Serbíu síðustu ár.

Heimasíða Meistaradeildarinnar er hér

Heimasíða Roma er hér