Í kvöld hefst 15.umferð í Iceland Express deild karla. Eins og venjulega eru 4 leikir á dagskrá á fimmtudagskvöldum.

Á Selfossi verða Borgnesingar í heimsókn og má reikna með hörkuleik. Fyrri leik þessara liða lauk með sigri Skallagríms 85:69

Á Ásvöllum taka Haukar á móti Keflavíkingum. Keflavík sigraði fyrri leikinn 96:80

Í Seljaskóla er athyglisverður leikur en þar mætast ÍR og Grindavík en þessi sömu lið áttust við í svakalegum leik sl. sunnudag í undanúrslitum Lýsingarbikarsins þar sem ÍR vann í framlengingu. Grindavík vann hins vegar fyrri leik þessara liða í deildinni 103:71

Í Þorlákshöfn taka svo heimamenn á móti Snæfelli en Snæfell sigraði fyrri viðureign þessara liða 80:76 í hörkuleik.

Allir leikir kvöldsins hefjast klukkan 19:15