Hamar/Selfoss og ÍR komust í kvöld í úrslit Lýsingarbikars karla. Hamar/Selfoss sigraði Keflavík í Hveragerði og ÍR lagði UMFG í Grindavík.

Báðir leikirnir voru æsispennandi og það þurfti að framlengja í Grindavík. ÍR byrjaði leikinn betur en Grindvíkingar náðu að komast aftur inn í leikinn. Eftir venjulegan leiktíma var staðan 78-78 og því þurfti að framlengja. Í framlengingunni voru ÍR-ingar sterkari og náðu að tryggja sér sigurinn. Tölfræðin.

Í Hveragerði var einnig hörkuleikur en þar náði Hamar/Selfoss að bera sigurorð af Keflavík eftir spennandi leik. George Byrd og Bojan Bojovic voru stigahæstir hjá Hamri/Selfoss. Tölfræði leiksins má sjá hér.

Sagan hefur því endurtekið sig en árið 2001 mættust einmitt ÍR og Hamar í úrslitaleik bikarkeppninnar eftir að hafa sigrað UMFG og Keflavík í fjögurra liða úrslitum.

Það verður mjög spennandi að fylgjast með því hvort að ÍR nái að endurtaka leikinn og sigra úrslitaleikinn í Höllinni 17. febrúar næstkomandi.

Það vekur athygli að þjálfarar liðanna eru bræðurnir Jón Arnar Ingvarsson (ÍR) og Pétur Ingvarsson (Hamar/Selfoss).