Í dag verður dregið í 8 liða úrslit í Lýsingarbikar karla og kvenna. Dregið verður í húsakynnum Lýsingar Suðurlandsbraut 22 klukkan 14:30.

Nú fer spennan að magnast í Lýsingarbikarnum og í dag verður dregið í 8-liða úrslit karla og kvenna. Að þessu sinni mun Valtýr Björn Valtýsson sjá um að draga og verður fróðlegt að sjá hvaða lið dragast saman. Valtýr er eins og fólk veit mikill áhugamaður um körfuknattleik og fjallar mikið um körfuna í sínum frábæra þætti Mín Skoðun á útvarpsstöðinni XFM sem er á tíðni 91.9

Hjá körlum verða eftirtalin lið í skálinni góðu: ÍR, KR, FSu, Keflavík, Grindavík, KR b, Skallagrímur og Hamar/Selfoss.

Hjá konunum eru eftirtalin lið í skálinni: Haukar, Grindavík, Keflavík, Fjölnir, Snæfell, Breiðablik, Hamar og ÍS.