Nú rétt í þessu voru leikir Njarðvíkur og Keflavíkur að klárast og í gær luku Haukar leik á Ásvöllum með tapi gegn ítalska liðinu Parma.

Keflvíkingar léku í kvöld gegn sænska liðinu Norrkoping í Svíþjóð þar sem þeir sænsku höfðu betur 113- 109. Sóknarleikur í hávegum hafður. Stigahæstu menn hjá Keflavík voru Thomas Soltau með 29 og að auki tók hann 13 fráköst, Jermaine Williams skoraði 20, Magnús Gunnarsson 16, Jón Hafsteinsson 14 og Gunnar Einarsson setti 11 stig. Tim Ellis meiddist og spilaði eingöngu nokkrar mínútur en Tim var besti leikmaður liðsins í síðasta Evrópuleik. Staðan eftir 3 leikhluta var 84 - 84 og fóru í hönd æsispennandi lokakafli. Kelfvíkingar luku þar með keppni með 1 sigur og 5 töp.

Njarðvík lék gegn Tartu Rock í Eistlandi þar sem heimamenn höfðu betur 100 - 88. Stigahæstu leikmenn Njarðvíkur voru Jeb Ivey með 22, Brenton skoraði 20, Friðrik Stefánsson setti 16 stig og tók að auki 9 fráköst, Jóhann Ólafsson setti 14 stig og Guðmundur Jónsson skoraði 11. Njarðvíkingar luku keppni án sigurs.

Það verður þó að segjast að bæði lið voru oft á tíðum mjög nálægt því að vinna marga af leikjunum en hafa verður í huga að andstæðingar liðanna í Evrópukeppninni að þessu sinni voru mjög sterkir.