Mótið fer fram fimmtudaginn 28. og föstudaginn 29. desember 2006.

Leikið verður í íþróttahúsi Kennaraháskólans. Leikið verður í fjórum þriggja liða riðlum á fimmtudeginum og úrslitakeppni fer fram á föstudeginum þar sem öll liðin leika a.m.k. einn leik. Aðeins 12 lið geta verið með að þessu sinni.

Sigurvegarar fá bikar í verðlaun og auk þess verða gullverðlauna „peningar“ að vanda.

Leikið verður að mestu eftir venjulegum körfuboltareglum, nema leikurinn verður 2 X 12 mínútur, og klukkan aðeins stöðvuð síðustu 2 mínúturnar í leiknum. Til að tefja leikinn sem minnst í vítaskotum verður aðeins tekið eitt skot, sem gildir 1, 2 eða 3 stig eftir atvikum.

Mótið er eingöngu ætlað leikmönnum 20 ára og eldri og ekki heimilt að hafa leikmenn úr 1. deild eða Iceland Expressdeild í liðunum.

Þátttökugjald er kr. 20.000.- fyrir hvert lið, sem greiðist í síðasta lagi fyrir fyrsta leik liðs. Innifalið í gjaldinu eru veitingar á fimmtudeginum.

Greiða má í gegnum heimabanka inn á reikning:
Banki: 0101 - 26 - 3909
kt. 581181 - 0279

Þátttökutilkynningar berist sem fyrst til undirritaðs.
Með bestu kveðju

Torfi Magnússon
tm@fb.is
Sími: 661 8012

Frétt tekin af heimasíðu Vals: www.valur.is