Keflvíkingurinn Tim Ellis er með hæsta meðalskorið í fyrstu sex umferðum Iceland Express deildar karla en sjöttu umferðinni lauk í fyrrakvöld. Tim Ellis lék ekki fyrstu tvo leiki Keflavíkurliðsins en hefur skorað 29,3 stig í leik síðan að hann tók sæti Jermaine Williams í Keflavíkurliðinu. Tim Ellis hefur skorað tæpum fjórum stigum meira í leik en næsti maður sem er Lamar Karim hjá Tindastól en í þriðja sætinu er síðan Damon Bailey hjá Þór úr Þorlákshöfn.

Tim Ellis hefur nýtt 52% skota sinna (46 af 88) þar af 52,9% þriggja stiga skota sinna en 9 af 17 skotum hans fyrir utan hafa farið rétta leið. Ellis hefur síðan nýtt 76,2% víta sinna. Tim Ellis skoraði 37 stig í fyrsta leik sínum á móti Fjölni, 21 stig gegn Haukum, 28 stig gegn Þór í Þorlákshöfn og loks 31 stig í síðasta leik sem var gegn ÍR. Tim Ellis hefur reyndar ætlað sér að skora mikið í leikjunum því hann hefur reynt að skora alls 214 stig í þessum fjórum leikjum sínum eða 53,5 stig að meðaltali í leik.

Grindvíkingurinn Páll Axel Vilbergsson er stigahæsti íslenski leikmaðurinn í deildinni en hann hefur skorað 21,7 stig að meðaltali í leik. Páll Axel er eini íslenski leikmaðurinn meðal þeirra fjórtán efstu en næstur er Magni Hafsteinsson hjá Snæfelli en hann er í 15. sæti með 16 stig að meðaltali í leik. Þeir Þorleifur Ólafsson úr Grindavík (15,5), Magnús Þór Gunnarsson úr Keflavík (15,0) og Níels Páll Dungal úr Fjölni (15,0) er hinir íslensku leikmennirnir sem komast meðal 20 stigahæstu leikmanna deildarinnar.

Flest stig í leik í fyrstu 6 umferðum Iceland Express deildar karla:
(Lágmark 5 leikir eða 90 stig skoruð)
1. Tim Ellis Keflavík 29,3
2. Lamar Karim Tindastóll 25,5
3. Damon Bailey Þór Þ. 23,7
4. Steven Thomas Grindavík 21,8
5. Páll Axel Vilbergsson Grindavík 21,7
6. Jovan Zdravevski Skallagrímur 20,2
7. Jeb Ivey Njarðvík 19,8
8. Kevin Smith Haukar 19,7
9. Darrell Flake Skallagrímur 19
9. Jeremiah Sola KR 19
11. Tyson Patterson KR 18,8
12. Roni Leimu Haukar 17,2
13. Nemanja Sovic Fjölnir 16,7
14. Steve Parillon Tindastóll 16,3
15. Magni Hafsteinsson Snæfell 16,0
16. Robert Hodgson Þór Þ. 15,7
17. Þorleifur Ólafsson Grindavík 15,5
18. Patrick Oliver Fjölnir 15,2
19. Magnús Þór Gunnarsson Keflavík 15,0
19. Níels Páll Dungal Fjölnir 15,0