Keflvíkingar hefja leik í Evrópukeppninni í kvöld. Í kvöld mæta Keflvíkingar liði Mlekarna Kunin frá Tékklandi. Leikurinn fer fram í borginni Novy Jivin. Það er gott hljóð í hópi Keflavíkur og tilhlökkun að hefja leik. Þetta er 4. árið í röð sem Keflavík tekur þátt í þessari keppni.

Njarðvíkingar sem eru að taka þátt í þessari keppni í fyrsta sinn hefja leik á morgun er þeir sækja rússneska liðið Samara heim. Það gekk ekki þrautalaust að komast á áfangastað en vélinni frá Icelandair seinkaði svo liðið missti af tengifluginu áfram til Moskvu en sá leggur var með SAS. Aeroflot, rússneska flugfélagið sá um að koma hópnum til Moskvu og svo áfram til Samara.

Hægt er að fylgjast með þessum leikjum á fibaeurope.com