© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
     
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
6.11.2006 | 12:06 | OOJ
Helena gaf 18 stoðsendingar í Grindavík og bætti metið
Helena Sverrisdóttir úr Haukum. Mynd. Haukar
Helena Sverrisdóttir, fyrirliði kvennaliðs Hauka, bætti stoðsendingametið í efstu deild kvenna þegar hún gaf 18 stoðsendingar í 108-82 sigri Hauka á Grindavík í fjórðu umferð Iceland Express deild kvenna í gær. Gamla metið áttu þær Reshea Bristol og Jessica Gaspar sem gáfu báðar 17 stoðsendingar í einum leik.

Helena bætti um leið einnig met íslensk leikmanns en Alda Leif Jónsdóttir átti það en hún gaf 14 stoðsendingar í einum leik fyrir rúmum sjö árum síðan. Helena var með þrefalda tvennu í leiknum því auk stoðsendinganna 18, skoraði hún 22 stig og stal 10 boltum. Þetta er fyrsta og eina þrennan í kvennadeildinni til þessa í vetur.

Helena hefur nú gefið yfir 48 stoðsendingar í fyrstu fjórum leikjum Haukaliðsins sem gera 12 stoðsendingar að meðaltali í leik. Haukaliðið hefur unnið alla leikina og ennfremur skorað 104,3 stig að meðaltali í leik sem er einstakur árangur hjá íslensku kvennaliði en liðið skoraði 103 stig gegn ÍS, 100 stig gegn Blikum, 106 stig gegn Hamri og loks 108 stig gegn Grindavík. Haukaliðið hefur unnið fyrsta leikhluta þessarra leikja með 100 stiga mun, 147-47.

Helena hefur líka passað vel upp á boltann í þessum fjórum fyrstu leikjum tímabilsins því hún hefur aðeins tapað samtals sex boltum og hefur því gefið átta stoðsendingar fyrir hvern bolta sem hún hefur glatað í hendur andstæðinganna. Helena hefur alls komið að 75 körfum Haukaliðsins í sigurleikjunum fjórum eða að 18,8 körfum að meðaltali í leik.

Helena, sem er 18 ára gömul, hefur hækkað stoðsendingameðaltal sitt öll árin sín í deildinni, hún gaf 4,3 stoðsendingar að meðaltali fyrsta tímabilið sitt 2002-03, var með 6,9 stoðsendingar í leik 2004-05, gaf 8,3 stoðsendingar að meðaltali í fyrra og er nú síðan með 12 stoðsendingar að meðaltali það sem af er á þessu tímabili. Helena hefur alls gefið 434 stoðsendingar í 63 leikjum sínum í efstu deild sem gera 6,9 stoðsendingar að meðaltali í leik.

Helena gaf flestar stoðsendingar á þær Kristrúnu Sigurjónsdóttur og Ifeomu Okonkwo sem báðar skoruðu sex sinnum eftir hjálp frá Helenu. Helena gaf 8 af þessum 18 stoðsendingum í hrapaupphlaupum og 9 stoðsendinga hennar komu strax í fyrsta leikhlutanum sem Haukaliðið vann 37-14. Hér fyrir neðan má sjá nánari útlistun á þessu nýja og glæsilega stoðsendingameti Helenu Sverrisdóttur.



Stoðsendingar Helenu á móti Grindavík:
1. leikhluti - 9 stoðsendingar
1. mín - Kristrún Sigurjónsdóttir - 2ja stiga í hraðaupphlaupi + víti að auki
2. mín - Sigrún Ámundadóttir - 3ja stiga karfa
2. mín - Ifeoma Okonkwo - 2ja stiga í hraðaupphlaupi
3. mín - Kristrún Sigurjónsdóttir - 2ja stiga inn í teig
4. mín - Kristrún Sigurjónsdóttir - 2ja stiga í hraðaupphlaupi + víti að auki
4. mín - Pálína Gunnlaugsdóttir - 2ja stiga í hraðaupphlaupi
5. mín - Ifeoma Okonkwo - 2ja stiga inn í teig
5. mín - Ifeoma Okonkwo - 3ja stiga karfa
8. mín - Kristrún Sigurjónsdóttir - 3ja stiga karfa í hraðaupphlaupi

2. leikhluti - 2 stoðsendingar
14. mín - Kristrún Sigurjónsdóttir - 2ja stiga inn í teig
16. mín - Ifeoma Okonkwo - 2ja stiga í hraðaupphlaupi

3. leikhluti - 4 stoðsendingar
23. mín - Pálína Gunnlaugsdóttir - 3ja stiga karfa
26. mín - Ifeoma Okonkwo - 2ja stiga inn í teig + víti að auki
27. mín - Unnur Tara Jónsdóttir - 2ja stiga í hraðaupphlaupi
28. mín - Unnur Tara Jónsdóttir - 2ja stiga í hraðaupphlaupi

4. leikhluti - 3 stoðsendingar
34. mín - Kristrún Sigurjónsdóttir - 2ja stiga utan teigs
35. mín - Ifeoma Okonkwo - 2ja stiga inn í teig
36. mín - Pálína Gunnlaugsdóttir - 3ja stiga karfa

Helena átti stoðsendingar á eftirtalda leikmenn:
6 - Kristrún Sigurjónsdóttir
6 - Ifeoma Okonkwo
3 - Pálína Gunnlaugsdóttir
2 - Unnur Tara Jónsdóttir
1 - Sigrún Ámundadóttir

Helena átti stoðsendingar á bak við eftirtaldar körfur:
7 - 2ja stiga körfur í hraðaupphlaupi
5 - 2ja stiga körfur inn í teig
4 - 3ja stiga körfur
1 - 2ja stiga körfur utan teigs
1 - 3ja stiga körfur í hraðaupphlaupi

Flestar stoðsendingar í einum leik í efstu deild kvenna:
18 - Helena Sverrisdóttir Haukar á móti Grindavík 5.11.2006
17 - Reshea Bristol Keflavík á móti KR 19.10.2005
17 - Jessica Gaspar KFÍ á móti Grindavík 24.11.2000
15 - Reshea Bristol Keflavík á móti Breiðabliki 30.11.2005
14 - Alda Leif Jónsdóttir ÍS á móti Njarðvík 15.3.1999
14 - Andrea Gaines Njarðvík á móti ÍR 19.10.2003
14 - Corrie Mizusawa ÍS á móti KR 12.12.2005
13 - Maria Conlon ÍS á móti Keflavík 8.2.2006
13 - Maria Conlon ÍS á móti Breiðabliki 11.3.2006
13 - Cindy A Johnson Grindavík á móti KFÍ 23.2.2002
13 - Helena Sverrisdóttir Haukar á móti ÍS 8.2.2005
Mótayfirlit
Mótayfirlit allra flokka
Frá Smáþjóðaleikunum á Möltu 1993.  Teitur Örlygsson í leik gegn Möltu.
DómarahorniðLeiðararTölfræðiSaganViðtalið