© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
     
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
26.10.2006 | 15:13 | OOJ
Steven Thomas bestur í 2. umferð Iceland Express deildar karla
Steven Thomas hjá Grindavík. Mynd: Karfan.is
Steven Thomas, bandaríski framherjinn hjá Grindavík, stóð sig best í 2. umferð Iceland Express deildar karla samkvæmt þeirri viðamiklu tölfræði sem er tekin saman um leikmenn í leikjum hennar. Thomas fékk 43 í einkunn á leikvarpinu en sú einkunn er reiknuð út á sama hátt og Efficiency jafnan í NBA-deildinni. Þriðja umferðin hefst í kvöld með fjórum leikjum og verður spilað í DHL-Höllinni í Vesturbænum, á Ásvöllum í Hafnarfirði, í Ljónagryfjunni í Njarðvík og í Þorlákshöfn.

Steven Thomas hjálpaði Grindavík að vinna 95-85 sigur á Haukum en Grindavík hefur unnið báða leiki sína til þessa á tímabilinu. Thomas var með 24 stig, 23 fráköst og 4 varin skot í leiknum á móti Haukunum auk þess að nýta 6 af 10 skotum sínum utan af velli og 12 af 15 vítum. Þess má geta að Thomas tróð fjórum sinnum í körfuna í leiknum og fiskaði alls 11 villur á leikmenn Hauka en hvorug þeirrar tölfræði kemur þó við sögu þegar framlagsseinkunnin er reiknuð út.

Damon Bailey hjá Þór úr Þorlákshöfn skoraði flest stig í 2. umferðinni (33), Steven Thomas tók flest fráköst (23), Jermaine Williams hjá Keflavík varði flest skot (6), Tyson Patterson hjá KR gaf flestar stoðsendingar (10), Robert Hodgson úr Þór Þ. stal flestum boltum (6) og Jeb Ivey hjá Njarðvík skoraði flestar þriggja stiga körfur eða alls 6. Þegar litið er á framlag leikmanna útfrá leiktíma þá var Steven Thomas líka efstur á blaði þar en hann skilaði alls 43 framlagsstigi á 35 mínútum sem gerir 49,1 framlagsstig á hverjar 40 spilaðar mínútur.

Þriðja umferð Iceland Express deildar karla hefst í kvöld með fjórum leikjum. KR fær Skallagrím í heimsókn í DHL-Höllina, Haukar taka á móti Snæfelli á Ásvöllum, Njarðvík tekur á móti liði Hamars/Selfoss og þá mætast Þór og Grindavík í Þorlákshöfn. Allir þessir leikir hefjast klukkan 19.15. Umferðinni lýkur á morgun föstudag þegar Fjölnir tekur á móti Keflavík í Garfarvogi og Tindastóll heimsækir ÍR í Seljaskólann.

Hæsta framlag í 2. umferð Iceland Express deildar karla:
1. Steven Thomas Grindavík 43
2. Damon Bailey Þór Þ. 39
3. Jermaine Williams Keflavík 36
4. Tyson Patterson KR 31
5. Robert Hodgson Þór Þ. 30
6. Ómar Örn Sævarsson ÍR 28
7. Kevin Smith Haukar 28
8. Lamar Karim Tindastóll 24
8. Darrell Flake Skallagrímur 24
8. Friðrik E Stefánsson Njarðvík 24
8. Steve Parillon Tindastóll 24
12. Egill Jónasson Njarðvík 23
12. Pálmi Freyr Sigurgeirsso KR 23
14. Adam Darboe Grindavík 22
15. Jovan Zdravevski Skallagrímur 21
16. Magnús Þór Gunnarsson Keflavík 20
16. Jeb Ivey Njarðvík 20
16. Páll Kristinsson Grindavík 20
19. LaMar Owen ÍR 19
19. Patrick Oliver Fjölnir 19
19. Fannar Freyr Helgason ÍR 19

Hæsta framlag á hverjar 40 mínútur í 2. umferð Iceland Express deildar karla:
(Lágmark er að hafa spilað 15 mínútur í leiknum)
1. Steven Thomas Grindavík 49,1
2. Tyson Patterson KR 41,3
3. Jermaine Williams Keflavík 38,9
4. Peter T Heizer KR 37,6
5. Damon Bailey Þór Þ. 36,3
6. LaMar Owen ÍR 36,2
7. Kevin Smith Haukar 36,1
8. Axel Kárason Skallagrímur 35,3
9. Robert Hodgson Þór Þ. 35,3
10. Friðrik E Stefánsson Njarðvík 34,3

Flest stig í 2. umferð Iceland Express deildar karla:
1. Damon Bailey Þór Þ. 33
2. Lamar Karim Tindastóll 29
3. Robert Hodgson Þór Þ. 24
3. Steven Thomas Grindavík 24
5. Jeb Ivey Njarðvík 23
5. Kevin Smith Haukar 23
5. Magnús Þór Gunnarsson Keflavík 23
5. Páll Axel Vilbergsson Grindavík 23
9. Jermaine Williams Keflavík 22
10. Lewis Monroe Hamar/Selfoss 21
10. Roni Leimu Haukar 21
10. Tyson Patterson KR 21

Flest fráköst í 2. umferð Iceland Express deildar karla:
1. Steven Thomas Grindavík 23
2. Darrell Flake Skallagrímur 15
3. Jermaine Williams Keflavík 13
4. Ómar Örn Sævarsson ÍR 12
4. Friðrik E Stefánsson Njarðvík 12
4. Damon Bailey Þór Þ. 12

Flestar stoðsendingar í 2. umferð Iceland Express deildar karla:
1. Tyson Patterson KR 10
2. Adam Darboe Grindavík 7
3. Ómar Örn Sævarsson ÍR 6
3. Sverrir Þór Sverrisson Keflavík 6
3. Lamar Karim Tindastóll 6
Mótayfirlit
Mótayfirlit allra flokka
Þjálfarar í úrvalsbúðum KKÍ stilla sér upp með hóp stúlkna eftir æfingu.  Þjálfarar f.v.: Finnur Stefánsson, Logi Gunnarsson, Einar Árni Jóhannsson og Snorri Örn Arnaldsson.
DómarahorniðLeiðararTölfræðiSaganViðtalið