Fyrsta umferðin á HM í körfuknattleik, sem haldið er í Japan 19. ágúst til 3. september, var leikin í gær. Tólf leikir voru í gær og voru flestir þeirra nokkuð jafnir.

Nígería kom á óvart með því að sigra Serbíu/Svartfjallaland, sem að eru ríkjandi heimsmeistarar.
Tyrkir náðu að sigra Litháen þrátt fyrir að tveir þekktustu leikmenn þeirra, Mehmet Okur og Hedo Turkoglu, leiki ekki með á mótinu.

Argentínumenn sigruðu Frakka í erfiðum leik þar sem Manu Ginobili var stigahæstur með 25 stig. Spánn vann Nýja Sjáland frekar auðveldlega og voru þrír leikmenn Spánverja jafnir með 16 stig.
Bandaríkjamenn lentu í basli í fyrri hálfleik gegn Puerto Rico en náðu að tryggja sér sigur 111-100.

Úrslit, tölfræði og umsagnir um leikina má finna hérna.