© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
     
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
11.8.2006 | 18:48 | OOJ
Grátlegt tveggja stiga tap stelpnanna gegn Austurríki
Guðbjörg var valin best hjá Íslandi í dag.
Það ætlar að ganga illa að landa fyrsta sigrinum hjá 16 ára liði kvenna í b-deild Evrópumótsins í Jyvaskyla í Finnlandi en íslensku stelpurnar töpuðu með tveimur stigum gegn Austurríki í dag, 59-61, eftir að hafa lent mest 18 stigum undir, 5-23, eftir fyrsta leikhlutann. Yngsti leikmaður liðsins, Guðbjörg Sverrisdóttir, var valin besti leikmaður þess af mótshöldurum en stigahæstar voru þær Gunnhildur Gunnarsdóttir með 13 stig og Ragna Margrét Brynjarsdóttir með 11 stig.

Íslensku stelpurnar byrjuðu leikinn afleitlega, skoruðu aðeins 2 stig fyrstu 8 mínútur leiksins, lentu 2-17 undir og voru 18 stigum á eftir austurríska liðinu, 5-23, þegar fyrsti leikhluti var úti. Íslenska liðið óx ásmeginn eftir því sem leið á leikinn og munurinn var kominn niður í 13 stig í hálfleik, 24-37. Íslensku stelpurnar unnu síðan þriðja leikhlutann 26-14 og komu sér aftur inn í leikinn. Austurríki var þó yfir 50-52 fyrir lokaleikhlutann, íslensku stelpurnar náðu að jafna í tvígang, 52-52 og 57-57 í síðasta leikhlutanum en nær komust þær ekki. Austurríki skoraði þriggja stiga körfu á lykilstundu í lokin og vann á endanum með tveimur stigum, 59-61.

Ísland hefur nú tapað öllum sex leikjum sínum á mótinu og á aðeins einn leik eftir til þess að bæta úr því. Stelpurnar mæta Portúgal á morgun klukkan 12.15 að íslenskum tíma en Ísland, Austurríki og Portúgal eru saman í riðli sem sker út um hver lendir í 15. til 17. sæti hér í Jyvaskyla í Finnlandi.

Hin 14 ára gamla Guðbjörg Sverrisdóttir var kosin besti maður íslenska liðsins í leiknum en hún kom grimm inn af bekknum og var með 7 stig, 4 stolna bolta og 3 stoðsendingar á þeim 18 mínútum sem hún spilaði. Guðbjörg hefur staðið sig mjög vel í síðustu tveimur leikjum eða eftir að Yngvi þjálfaði leitaði til hennar þegar aðalleikstjórnandi liðsins, Ingibjörg Jakobsdóttir, meiddist. Gunnhildur Gunnarsdóttir var stigahæst 2. leikinn í röð með 13 stig og Ragna Margrét Brynjarsdóttir skoraði 11 stig og tók 13 fráköst.

Atkvæðamestar hjá íslenska liðinu gegn Austurríki í dag:
Gunnhildur Gunnarsdóttir 13 stig (5 stolnir, hitti úr 5 af 5 skotum, 4 fiskaðar villur)
Ragna Margrét Brynjarsdóttir 11 stig (13 fráköst, hitti úr 5 af 11 skotum)
Guðbjörg Sverrisdóttir 7 stig (4 stolnir, 3 stoðsendingar, hitti úr 3 af 5 skotum)
Lilja Ósk Sigmarsdóttir 7 stig (8 fráköst, 3 stolnir, 4 fiskaðar villur)
Hafrún Hálfdánardóttir 7 stig
Klara Guðmundsdóttir 7 stig (3 stolnir)
Kristín Fjóla Reynisdóttir 2 stig (4 stoðsendingar)
Helena Hólm 2 stig
Lóa Dís Másdóttir 2 stig
Ingibjörg Jakobsdóttir spilaði aðeins í átta mínútur vegna meiðslanna og Salbjörg Sævarsdóttir spilaði ekki í þessum leik.
Mótayfirlit
Mótayfirlit allra flokka
Frá leik Hauka og UMFN í úrslitakeppni íslandsmótsins í íþróttahúsinu við Strandgötu í Hafnarfirði árið 1985. Miklar deilur urðu um lokakörfu leiksins.
DómarahorniðLeiðararTölfræðiSaganViðtalið