Stúlkurnar í 16 ára landsliðinu töpuðu nú áðan fyrir Írum með 14 stigum, 59-73. Írsku stúlkurnar leiddu allan leikinn og tókst þeim íslensku aldrei að ógna almennilega forskoti Íra. Lilja Sigmarsdóttir var stigahæst með 19 stig auk 3 frákasta, Hafrún Hálfdánardóttir skoraði 18 stig og tók 9 fráköst, Gunnhildur Gunnarsdóttir skoraði 10 stig og Ragna Margrét Brynjarsdóttir skoraði 8 stig og tók 6 fráköst. Nánar um leikinn seinna í dag.

Í hálfleik er staðan 28-43 Írum í vil, en munurinn varð að mestu til á síðustu mínútum fyrri hálfleiks. Hafrún Hálfdánardóttir er stigahæst íslensku stúlknanna eftir fyrri hálfleik með 9 stig.

Nú er nýhafinn leikur Íslands og Írlands á EM U16kv sem fram fer í Finnlandi. Staðan er 11-14 fyrir Íra þegar þetta er ritað.

Eftir sem áður er hægt að fylgjast með leiknum í beinni á heimasíðu mótsins.