Kristinn Albertsson körfuknattleiksdómari hefur verið tilnefndur til að dæma tvo leiki í Korac Cup í næstu viku. Annarsvegar leik Telindus Antwerpen gegn portúgalska liðinu Ovar 19. október og hinsvegar Telindus Mons gegn Unicaja Malaga frá Spáni 20. október. Þess má geta að Helgi Jónas Guðfinnsson leikur með Telidus Atwerpen, en hann mun eiga við meiðsl að stríða um þessar mundir.
Pétur Hrafn Sigurðsson hefur verið tilnefndur sem eftirlitsmaður með tveimur leikjum, einnig í Belgíu. Þessir leikir eru Sunair Oostende gegn Estudiantes Madrid frá Spáni 12. október og Brother Gent gegn Basket Vacallo frá Sviss 13. október. Báðir leikirnir eru í Evrópukeppni félagsliða, Korac Cup.