68. Íþróttaþing ÍSÍ verður haldið á Grand Hótel Reykjavík dagana 28.-29. apríl nk. Íþróttaþing ÍSÍ er æðsti vettvangur íslenskrar íþróttahreyfingar. Þingsetning verður í dag föstudaginn 28. apríl og hefst kl. 16:30.

Fyrir þinginu liggja 20 tillögur um ýmis mál er varða málefni íþróttahreyfingarinnar. Meðal annars eru tillögur um íþróttastefnu ríkisins, nokkrar lagabreytingar og ýmsar ályktunartillögur. Ekki er gert ráð fyrir miklum ágreiningi um tillögur á þinginu.

Ljóst er að hæst mun bera kjör um embætti forseta ÍSÍ en Ellert B. Schram forseti ÍSÍ gefur ekki kost á sér til endurkjörs á þinginu. Sem kunnugt er gefur fráfarandi formaður KKÍ, Ólafur Rafnsson, kost á sér í embættið. Kosningar á þinginu verða á morgun, en ásamt Ólafi er Sigríður Jónsdóttir varaforseti ÍSÍ í kjöri til formanns.


Nánar um íþróttaþing á vef ÍSÍ.