Annar leikurinn í úrslitarimmu Njarðvíkur og Skallagríms fer fram í Borgarnesi í kvöld. Leikurinn, sem verður í beinni útsendingu Sýnar, hefst kl. 20:00.

Njarðvíkingar sigruðu í fyrsta leik liðanna sl. laugardag, en þrjá sigra þarf til að tryggja sér Íslandsmeistaratitilinn. Búast má við húsfylli í Borgarnesi í kvöld og því er um að gera fyrir áhorfendur að mæta snemma.