Oddaleikur Keflavíkur og Skallagríms um sæti í úrslitaleikjum Iceland Express-deildar karla í Keflavík verður sýnd beint á Sýn. Útsendingin hefst kl. 19:00, en leikurinn hefst kl. 19:15.

Úrslitarimman um Íslandsmeistaratitilinn, sem hefst á laugardag, verður einnig öll í beinni útsendingu á Sýn. Leikurinn á laugardag hefst kl. 16:00.

Njarðvíkingar hafa þegar tryggt sér sæti í úrslitum og munu byrja á heimavelli komist Skallagrímur áfram, en verði það Keflavík, þá eiga deildarmeistararnir heimaleikjaréttinn.

Vegna bilunar í leikvarpinu er aðeins hægt að sjá tölfræði leiksins með því að smella á "Mótayfirlit" og velja síðan viðkomandi mót og leik eða nýjustu úrslit.

Undir greinum er komin tölfræðisamantekt um efstu menn í ákveðnum tölfræðiþáttum í einvígi Keflavíkur og Skallagríms til þessa. Greinina má finna hér.