Njarðvíkingar hafa tryggt sér sæti í úrslitaleikjunum um Íslandsmeistaratitilinn eftir sigur á KR í gær. Mótherjar Njarðvíkinga í úrslitarimmunni verða Keflvíkingar eða Skallagrímsmenn, en liðin þurfa að mætast í fimmta sinn á fimmtudagskvöld.

Sjá má tölfræði leikjanna í gær undir mótayfirlit, velja síðan viðkomandi mót og leik. Bilun í lewikvarpinu gerir það að verkum að tölfræðin birtist ekki í úrslitaglugganum hér á forsíðunni.

Fyrsti úrslitaleikurinn verður á laugardag kl. 16:00 og annar leikurinn mánudaginn 10. apríl kl. 20. Þriðji leikurinn verður síðan laugardaginn 15 apríl kl. 16:00. Komi til fjórða leiks verður hann mánudaginn 17. apríl kl. 20 og verði oddaleikur þá verður hann leikinn fimmtudaginn 20. apríl.

Í kvöld fara fram tveir mikilvægir leikir í úrslitakeppnunum. Keflavík og Haukar mætast í öðrum leik úrslita kvenna og verður leikurinn í Keflavík kl. 20. Þá mætast Breiðablik og Þór Þ. öðru sinni í rimmu sinni um laust sæti í Iceland Express-deildinni að ári. Sá leikur hefst kl. 19:15. Með sigri getur Þór Þ. tryggt sér sætið eftirsótta.