Úrslitakeppni 1. deildar karla hefst í kvöld, föstudagskvöld með leikjum Þórs. og FSu og Vals og Breiðabliks. Breiðablik og FSu eiga síðan heimaleiki sunnudaginn 26. mars og oddaleikir, ef með þarf, fara fram miðvikudaginn 29. mars. Allir leikirnir hefjast kl. 19:15.

Búist er við mikilli stemmningu og spennu í keppninni að þessu sinni. Nágrannaliðin Þór Þ. og FSu áttust við í deildinni sl. föstudagskvöld og þá var mikil stemning og nánast fullt hús áhorfenda. Í kvöld er búist við enn meiri stemmningu og eins gott að mæta snemma svo fólk komist inn. Í hinni viðureigninni mætast sömu félög og í undanúrslitunum á síðasta ári, Valur og Breiðablik. Í fyrra höfðu Valsmenn betur, en Blikar, sem hafa verið á mikilli siglingu að undanförnu hyggja á hefndir.

Tindastóll hefur þegar tryggt sér sæti í Iceland Express-deildinni að ári, en sigurvegarinn í úrslitakeppninni hreppir hitt sætið.