Tindastóll frá Sauðárkróki endurheimti sæti sitt í Iceland Express-deildinni með sigri á Val á útivelli í gær. Þrátt fyrir að tvær umferðir séu eftir í deildinni er ljóst að ekkert félag getur komist yfir Tindastól.

Þau lið sem lenda í sætum 2 til 5 munu leika til úrslita um hitt lausa sætið í deildinni. Nokkuð ljóst er að það verða Valur, Þór, Þ. FSu og Breiðablik. Stjarnan á enn tölfræðilega möguleika á sæti í úrslitakeppninni, en þeir byggjast á því að Breiðablik tapi þeim leikjum sem eftir eru og Stjanran vinni sína leiki. Félögin mætast í innbyrðisleik í lokaumferðinni.

Valur, FSu og Þór Þ. geta náð Tindastól, en Stólarnir eru með betra innbyrðis gegn öllum liðunum. Ef Tindastóll tapar rest og Þór Þ. vinnur rest og Valur vinnur rest, þá er FSu búið að tapa tveimur leikjum, gegn Þór og Val. Í þeim samanburði, gegn Þór Þ. og Val hefur Tindastóll best með 3 sigra og 28 í plús, Þór Þ. er líka með 3 sigra en 9 í plús, Valur er með engan sigur.
Ef FSu vinnur rest þá eru Þór og Valur bæði búin að tapa 1 leik og þá er það bara innbyrðis Tindastóll og FSu og þar er 1-1 og Tindastóll með 2 í plús.